Родена на 12.11.1969 год. во Битола. Основно и средно образование завршила во Битола со континуиран одличен успех. Студиите ги завршила на Техничкиот факултет во Битола, машински отсек, во рекорден рок со просечна оценка на студирање 9,11. За вака постигнатите резултати, во текот на студиите била истакнувана како најдобар студент на генерацијата и примала стипендија од Министерството за наука на РМ по критериумите за талентирани студенти. Во текот на студиите ја извршувала задачата демонстратор по предметот Јакост на материјали. Постдипломските студии ги завршила на Машинскиот факултет во Скопје, Институт за машински конструкции и механизациони машини и возила. Како постдипломец покажувала исто така натпросечни резултати положувајќи ги редовно предвидените испити со највисоки оценки. Како постдипломец користела стипендија за научни и стручни кадри од Министерството за наука на РМ. Докторската дисертација ја одбранила на Машинскиот факултет во Скопје. На Техничкиот факултет во Битола е од 1996 год. кога се вработила како помлад асистент по група предмети од катедрата по механика. Усовршувајќи се и напредувајќи во својата кариера денес е редовен професор по група предмети од областите: Општо машинство, проектирање и машински конструкции; Земјоделско машинство и механизација; Транспортна механизација. Предава на  студии од прв циклус на машинскиот отсек, отсекот за индустриско инженерство и менаџмент, отсекот за информатика и компјутерска техника и електротехничкиот отсек. Наставник е на студии од втор циклус на  машинскиот отсек, отсекот за индустриско инженерство и менаџмент и графичкиот отсек.  Извесно време беше и наставник по предметот Земјоделски машини и опрема на Факултетот за биотехнички науки во Битола. Во периодот 01.10.2006 до 01.10.2010 год. ја обавувала функцијата продекан за настава во Техничкиот факултет-Битола.

Важни датуми на научно и стручно усовршување

Дипломира: 29.06.1993 год. на Техничкиот факултет во Битола со дипломската работа со наслов Проектирање на градежен кран
Магистрира: 04.04.1997 год. на Машинскиот факултет во Скопје со магистерскиот труд со наслов Оптимирање на преносници за погон на ротирачкото тркало кај багерите
Докторира: 28.06.2000 год. на Машинскиот факултет во Скопје со докторската дисертација со наслов Корелација на деформационо-напонските и конструктивните карактеристики на затегите со носечката конструкција на работниот орган на багерите

Избор за помлад асистент: 01.03.1996 год., Технички факултет-Битола

Предвремен избор за асистент: 26.12.1997 год., Технички факултет-Битола
Реизбор за асистент: 20.02.2001 год., Технички факултет-Битола
Избор за доцент: 16.10.2001 год., Технички факултет-Битола
Избор за вонреден професор: 27.06.2006 год., Технички факултет-Битола
Избор за редовен професор: 17.02.2011 год., "Универзитет Св.Климент Охридски"-Битола

Научно-истражувачки интерес

Научно подрачје: 2.00 Техничко-технолошки науки
Поле: 2.14 Машинство
Области (дисциплини):
21400 Општо машинство, проектирање и машински конструкции
21413 Транспортна механизација
21412 Земјоделско машинство и механизација

21417 Техничка механика и механика на цврсто тело

Објавени научни трудови: 30 во странство и 38 во зенјата

Развојно-истражувачки проекти: 1 меѓународен

Апликативни проекти: 6 во земјата

Објавени учебници и учебни помагала: 1 учебник и 3 учебни помагала

Гостувачки предавања: 2 во странство и 2 во земјата

Студиски престои: 9 во странство

Останати активности: апликативна дејност; учество во активности на 3 TEMPUS проекти; проследени повеќедневни 5 семинари и 2 конференции за научно и стручно усовршување; презентирање на научни трудови на повеќе меѓународни конференции во земјата и странство; учество на саем со нов производ како конструктор; промоција во медиумите со нов производ како конструктор; рецензент на: учебници, проекти, наставници, асистенти; вклученост во дипломски работи итн.

Членство во научни и стручни асоцијации и друштва: потпретседател на Македонското научно друштво-Битола (МНД-Битола), секретар на Одделението за техника на МНД-Битола, член на Управниот одбор на МНД-Битола, член на Уредувачки совет на ДНУ-Битола и МНД-Битола, претседател на редакциски одбор на Зборник од научна конференција; член на Собранието на Институтот за стандардизација при Министерството за економија на РМ, член на технички комитет ТК-19 при Институтот за стандардизација на РМ, претседател на Собранието на КЛАСТЕР на производители на приклучна земјоделска механизација и опрема за сточарско производство “БИПОМ-М”, член и потпретседател на Комисија за издавачка дејност и Комисија за наставни и научни прашања при Универзитетот “Св. Климент Охридски”-Битола,  

Научни признанија: Плакета на ДНУ-Битола, за активности на научната мисла по повод 40 години постоење на друштвото, 2001 год.; Плакета на МНД-Битола, за плодна соработка и придонес во афирмација на научната мисла, 2007 година.

Предмети кои ги покрива

Транспортни уреди, машински отсек, студиска програма Општо машинство

Средства за транспорт, машински отсек, студиска програма Машинство, стручни студии по машинство

Метални конструкции,  машински отсек, студиска програма Машинство, студиска програма Општо машинство. Стара програма тука.

Менаџмент на транспорт во индустриски системи, отсек за индустриско инженерство и менаџмент, студиска програма Индустриски менаџмент. Стара програма тука.

Земјоделски машини и механизација, машински отсек, студиска програма Машинство, студиска програма Земјоделско-прехрамбено машинство. Стара програма тука.

Механизациони системи, електротехнички отсек-студиска програма Електроенергетски системи, студиска програма Индустриска енергетика.Стара програма тука.

Современи јакосни и конструкциски испитувања, отсек за информатика и компјутерска техника, студиска програма Техничка информатика, студиска програма Информатичко и техничко образование

Современи експериментални испитувања, отсек за информатика и компјутерска техника, студиска програма Информатика и компјутерска техника

Дизајнирање и моделирање на конструкци, машински отсек, студиска програма Машинство

Методи за експериментални истражувања, машински отсек, студиска програма Машинство - втор циклус

Надежност на технички системи,  отсек за индустриско инженерство и менаџмент, студиска програма Индустриски менаџмент - втор циклус

Надежност на технички системи, отсек за графичко инженерство, студиска програма Графичко инженерство - втор циклус